Skip to main content

Impakti Psikologjik i COVID-19

Kërkimet e reja shkencore hedhin dritë mbi ndikimin psikologjik të COVID-19


Ndërkohë që pandemia e COVID-19 vazhdon nëpër botë, duke sjellë pasiguri, frikë, humbje, izolim, vuajtje, njerëzit e kanë gjetur veten pjesë të një traume kolektive. Situatat e tilla si kjo e COVID-19 që sjellin trauma kolektive mund të sjellin mjaft pasoja psikologjike, marrëdhënore, fiziologjike dhe spirituale për njerëzit. Pandemia vijon të prekë jetët e miliona njerëzve, ndërkohë kërkimet përpiqen të kuptojnë impaktin e pandemisë dhe mënyrat se si të zvogëlohen pasojat e veta negative që vijnë si përgjigje ndaj saj.

Që prej fillimit të pandemisë COVID-19 në 2019, kërkimet kanë treguar një shumëllojshmëri efektesh në shëndetin mendor të përjetuara në përgjigje të saj. Disa prej tyre janë stresi, depresioni, ankthi, ndjenjat e panikut, ndjenjat e pashpresshmërisë, frustrimi, dëshpërimi, dhe problemet me mendimet dhe sjelljet vetëvrasëse. pagjumësi, irritueshmëri, rraskapitje emocionale, zi, dhe simptoma të stresit traumatik. Megjithëse impakti i COVID-19 është specifik, individual dhe bazuar në një sërë faktorësh (p.sh., kohëzgjatja e karantinës, faktorët e riskut, historia e traumave, historia e shëndetit mendor, etj.) disa prirje për shëndetin mendor janë shfaqur në popullatën e përgjithshme. 

Sipas një artikulli publikuar së fundmi nga Serafini dhe kolegët, megjithëse ka ndryshime në përgjigjen ndaj pandemisë së COVID-19, janë disa reagime psikologjike të përbashkëta në popullatën e përgjithshme. Këto reagime përfshijnë frikë intensive dhe të pakontrolluar ndaj infektimit, ankth i përgjithësuar, frustrim, mërzitje, dhe vetmi ekstreme. Kuptohet që këto pasoja psikologjike ndikojnë negativisht në mirëqenien dhe cilësinë e jetës së individit. Por Serafini dhe kolegët shprehen se rezilienca e individit dhe mbështetja sociale mund të jenë faktorë që i ndihmojnë njerëzit të përshtaten ndaj kësaj situate. 

Gjetjet e fundit të Serafinit dhe kolegëve japin fakte të reja të mënyrës se si ka ndikuar pandemia e COVID-19. Ato paraqesin një panoramë të shëndetit mendor të njerëzve dhe hapat që mund të ndërmerren për të rritur ndërgjegjësimin mbi këto pasoja dhe mënyrat se si të minimizohet impakti si në nivel individual ashtu edhe atë shoqëror. Ata shprehen se impakti psikologjik i pandemisë duhet parë si një prioritet i shëndetit publik për të minimizuar pasojat në shëndetin mendor të njerëzve. 

Ky artikull është marrë dhe përkthyer nga: https://www.psychologytoday.com/intl/blog/lifting-the-veil-trauma/202009/the-psychological-impact-covid-19.

Shënim: Nëse ju (ose dikush që njihni) ndieni se keni nevojë për ndihmë ose këshillim psikologjik, mos hezitoni të kontaktoni në nr. tel. +3556353610, ose në email almirxhangolli@gmail.com







Comments

Post a Comment

Popular posts from this blog

Proçesi i këshillimit psikologjik dhe psikoterapisë

... Individualiteti njerëzor ka nevojë për kushte të favorshme për t'u rritur "nga një rrënjë në një lis"... - Karen Horney Qysh kur kam nisur studimet për psikologji dhe deri tani (e besoj do të vazhdojë e më vonë) më ka rastisur të dëgjoj një mori mitesh, legjendash, keqkuptimesh e moskuptimesh (por sigurisht dhe të vërteta) mbi proçesin e këshillimit psikologjik dhe psikoterapisë. Shumë më kanë pyetur nëse arrij të lexoj mendje, të tjerë më kanë kërkuar nëse mund t'i "psikologjis", ose mund të jenë rezervuar sepse kanë menduar se jam duke i "analizuar". Madje edhe më kanë pyetur nëse janë "të çmendur". Sigurisht shumica e njerëzve kanë qenë tepër kuriozë dhe më kanë bërë pyetje të ndryshme mbi këshillimin psikologjik, dhe për ta përshkruar atë po e nis me disa mite të shpeshta: Të shkosh tek terapisti është njësoj si të flasësh me një shok/shoqe; Të shkosh tek terapisti do të thotë se je i/e çmendur; Këshillimi psikologj...
Post a Comment
Read more

Etika profesionale në këshillim dhe psikoterapi

Do të aplikoj mënyrat e trajtimit sipas aftësisë dhe gjykimit, në të mirë të pacientëve të mi, duke i mbrojtur ata nga dëmtimet dhe padrejtësitë - Betimi i Hipokratit Etika është një ndër shtyllat profesionale më të rëndësishme në ushtrimin e çdo profesioni, dhe sigurisht këtu nuk përjashtohet këshillimi psikologjik apo psikoterapia. Rregullat etike janë ato të cilat e drejtojnë sjelljen e një profesionisti tek dhënia e shërbimit sa më cilësor të mundshëm. Shërbimi cilësor nënkupton që në krye të vendosen interesat madhore të personave që e marrin shërbimin, në rastin e këshillimit psikologjik klientët ose pacientët. Parimet etike kanë ndryshuar dhe janë zhvilluar me kalimin e viteve, dekadave, dhe shekujve. Etika sigurisht është dhe filozofi por edhe praktikë, duke qenë se në botën dhe shoqëritë ku jetojmë gjërat nuk janë asnjëherë bardhë e zi; njerëzit janë qenie të ndërlikuara dhe patjetër që shoqëritë dhe kulturat rrjedhimisht do të jenë të ndërlikuara.  Disa...
Post a Comment
Read more

Paragjykimet dhe stigmat ndaj shëndetit mendor, kërkimit të ndihmës profesionale, dhe këshillimit psikologjik

Të vetmit njerëz normalë janë ata që nuk i njeh mjaftueshëm - Alfred Adler Para disa ditësh isha në një piceri duke pritur të merrja picën time. Në lajme ishte një kronikë mbi shëndetin mendor në Shqipëri. Një djalë përmendi një rast në Itali ku një nënë kishte vrarë foshnjën e saj dy muajshe (pa ditur detaje, mund të hamendësoj prej depresionit pas lindjes, i quajtur ndryshe depresioni post-partum), dhe një djalë tjetër e shau këtë gruan në një mënyrë agresive dhe të tmerrshme, dhe që besoj se mund ta merrni me mend se ç'tha. Doja të ndërhyja por isha tepër i uritur dhe do të ishte debat i kotë besoj. Sigurisht që humbja e jetës është gjithmonë tragjike, për më tepër e një fëmije. Sidoqoftë ndjeva një neveri në ato momente. Megjithatë, për fat të keq depresioni post-partum është një shqetësim i rëndë dhe që duhet trajtuar, dhe nuk mund të shihet një grua që vuan si kriminele dhe nuk i meriton gjykime të tilla.  Pargjykimet janë një fenomen i njohur, secili prej nesh...
Post a Comment
Read more